Punto Bonito

Kalayaan ng mga mananampalatayang bumoto

Monday, 06 May 2013 21:31

Likas sa atin ang kasarinlan at katalinuhan, freedom and intellect. Ano ba ang pagkakaiba ng dalawa, hindi ko masyadong lalaliman ang paksang ito, nais ko lang maintindihan ito ng madla sa pamamagitan ng ehemplo, ako bilang tao at mamamayan ng bansang ito ay karapatan ko na magpahayag ng ano mang gusto ko, ngunit pag ginagamit ko na ang pahinang ito para ipalimbag ang aking nasa isip ito ay magiging pribilehiyo na lamang na kontrolado ng ibang elemento at mga tao.

Para sa akin, ang relihiyon maski ano man yan ay dapat itaguyod ang likas sa ating mga tao, ang kalayaan at dunong . Kaya , ngayong eleksyon hindi ko lubos maisip bakit may relihiyon na nagdidikta sa kanilang mga parokyano o mga sinasakupan kung sino ang dapat iboto sa eleksyon.

Kawawang obrero

Thursday, 02 May 2013 17:30

Ginunita ng buong sambayanan ang araw ng paggawa kahapon at tuwing sasapit ang araw na ito maririnig natin ang paulit-ulit na mga hinaing at kwento ng mga obrerong Pilipino lalo na sa mga sekta ng manggagawa.

Sa pinakahuling datos na inilabas ng National Statistics Office o NSO noong Enero, nasa 7.1% ang mga Pilipinong walang trabaho. Wala halos pinagkaiba sa 7.2% ng nakaaraang taon.

Samantala, patuloy ang pagtaas ng mga presyo ng mga pangunahing bilihin ngunit nanatili pa rin ang kakamrampot na sahod ng mga manggagawa.

Kumakalam na tiyan ang dapat batayan ng NSCB

Monday, 29 April 2013 20:57

Matuwid na daan, susi sa malakas na ekonomiya. ‘Yan ang tagline ni Pangulong Noynoy Aquino. Pero paano magiging matuwid ang daan kung sa sarili mong ahensya eh, nagdududa ka?

Kamakailan, naglabas ng poverty statistics ang NSCB o National Statistical Coordination Board na 27.9% o 28 sa bawat 100 indibidwal na Pilipino ang nagsasabing sila’y mahirap o walang makain. Halos walang pagbabago sa lumabas na statistics noong 2009 na nasa 28.6%.

Pero teka, ano nga ba ang papel ng NSCB? Ang naturang ahensya ay mula sa Executive Order No. 121 na magsisilbing coordinating agency on statistical matters ng Pilipinas. Nakapaloob rin dito na sila ay tinalaga upang maglabas ng updated, accurate na impormasyon. Sa ngayon, nasa ilalim ito ng NEDA or National Economic Development Autho-rity.

Crying Boy Sixto

Wednesday, 24 April 2013 20:55

Nagulat ako sa pahayag nitong si ‘Crying Man’ Sixto Brillantes na gusto raw maging Ambassador ng Eastern Europe nang makapagpahinga daw sa kanyang trabaho. Tila sinasabi ni chairman na petiks ang pagiging representante ng Pilipinas sa ibang bansa.

Kung ating babalikan ang mga isyu ng ating mga OFW na nanganib ang buhay, hindi ito nagtapos sa kamatayan ng 3 OFWs sa China. Nagsisilbi itong wake-up call sa gobyerno na para bang salat sa malasakit sa tinaguriang bagong bayani.

Sa isang pag-aaral noong 2009, nasa 8 milyon ang mga documented OFWs, kung isasama ang mga undocumented, malamang, baka lalagpas pa raw sa 11 milyon.

Trahedya sa open air

Monday, 22 April 2013 20:59

Bilang mamamahayag at young entrepreneur, parte na ng aking buhay ang bumyahe sa iba’t-ibang lugar.

Ngunit nitong nakaraang linggo, parang nagka-apo na ako sa tuhod bago nakaalis ang eroplanong aking sinakyan, hanep sa pagka-delay! Ito na ba ang pinagmamayabang ng pamahalaang Aquino na Open Sky Policy?

Nakapanghihinayang ang naging resulta nitong Open Skies Policy na inaangalan ngayon ng mga local airlines. Sa negotiated terms kase ng nasabing polisiya, malaking pabor ang naibibigay sa mga banyagang airlines dahil mas madalas silang nakababiyahe dito sa Pilipinas. Kung susuriin din, tila hindi maiwasang maghinala na ang open sky policy ay sadyang ginawa para paboran ang kumpanya ang Air Asia na pagmamay-ari ang isang pinsan ni pangulo.